Şərqi Çin dənizindəki mübahisəli Senkaku arxipelaqı ətrafında Çinin iki sahil mühafizə gəmisinin Yaponiya ərazi sularını pozduğu iddia edilib.

İqtisadiyyat.az xəbər verir ki, bu barədə Okinava əyalətinin Naha rayonunda yerləşən 11-ci Bölgə Sahil Mühafizəsi Qərargahının açıqlamasında qeyd edilib.

Açıqlamaya görə, Çin gəmiləri Uotsuri və Minami-koji adalarına yaxınlaşaraq 31 saat bölgədə qalıb və Yaponiya sahil mühafizəsinin xəbərdarlığından sonra buradan ayrılıb.

Dövlət Televiziyasının məlumatına görə, son insident bu il Senkaku ətrafında Çin elementləri tərəfindən Yaponiyanın ərazi sularının 8-ci dəfə pozulması kimi qeydə alınıb.