Keçən il Çinin ÜDM-i 3 faiz artıb, 2021-ci ildəki 8,1 faiz rəqəmindən xeyli aşağı və təxminən 5,5 faizlik rəsmi proqnozdan da aşağı olub.

İqtisadiyyat.az xəbər verir ki, Çin Xalq Respublikasının Dövlət Statistika Bürosu məlumat yayıb.

Çin iqtisadiyyatındakı kəskin yavaşlama həm qeyri-sabit beynəlxalq vəziyyət, həm də ölkə rəhbərliyinin demək olar ki, il boyu karantinlar tətbiq etdiyi çoxsaylı yerli COVID-19 epidemiyaları ilə bağlıdır.

Statistikalar həmçinin göstərir ki, 2022-ci ildə Çin öz neft və qaz hasilatını müvafiq olaraq 2,9 faiz və 6,4 faiz artırıb. Eyni zamanda, neft emalının həcmi 2021-ci illə müqayisədə 3,4 faiz azalıb. Ölkədə kömür hasilatı 9 faiz artıb, xaricdən tədarüklər təxminən eyni miqdarda, 9,2 faiz azalıb.