Çin ötən il ilk dəfə illik qlobal avtomobil satışlarında ABŞ-ni geridə qoyub.

İqtisadiyyat.az xəbər verir ki, bu barədə Britaniyanın avtomobil bazarı ilə bağlı məlumatların təhlili üzrə ixtisaslaşmış "JATO Dynamics" şirkəti məlumat yayıb.

Buna səbəb Çin avtomobil istehsalçılarının yeni bazarlara genişlənməsi olub. Belə ki, Çinin avtomobil markaları ötən il dünya üzrə 13,4 milyon yeni avtomobil satıb. Bu da illik müqayisədə 23% çoxdur. Avropa, Avstraliya, Yeni Zelandiya və İsraildə Çin avtomobillərinə tələbat kəskin artıb.

Hesabat dövründə Amerika markaları isə 11,9 milyon yeni avtomobil satıb. Bu isə 2022-ci ilə nisbətən 9% çoxdur.

Yaponiya dünyada avtomobil satışında lider olaraq qalır. 2023-cü ildə Yaponiya avtomobil istehsalçıları 23,6 milyon yeni avtomobil satıblar. Eyni zamanda, 2023-cü ildə ən çox satılan avtomobil "Tesla Model Y" elektrikli avtomobil olub.

 

Gözəl Həşimova