Çin hökumətinin Yaxın Şərq üzrə xüsusi nümayəndəsi Zhai Jun, Yaxın Şərq nizamlanması üzrə Qahirədə keçirilən sülh sammiti zamanı BMT-yə Fələstin-İsrail münaqişəsinə həsr olunmuş daha böyük beynəlxalq tədbir keçirməyi təklif edib.
İqtisadiyyat.az xəbər verir ki, bu barədə Çin Xarici İşlər Nazirliyi məlumat yayıb.
"BMT mümkün qədər tez və nüfuzlu, daha geniş miqyaslı beynəlxalq sülh sammitinin keçirilməsinə yardım etməli, sülh prosesi ilə bağlı beynəlxalq konsensusa nail olmalı və Fələstinə dair tezliklə hərtərəfli, ədalətli və uzunmüddətli həlli təşviq etməlidir", - məlumatda bildirilir.
Çinli diplomatın sözlərinə görə, beynəlxalq ictimaiyyət real tədbirlər görməli və obyektiv hərəkət etməlidir. Nümayəndə vurğulayıb ki, Fələstin və İsrail arasındakı münaqişənin həlli "iki xalq üçün iki dövlət" prinsipinə uyğun aparılmalıdır.
