"ABŞ qarşıdurma və başqa ölkələri günahlandırmaq əvəzinə, Ukraynadakı münaqişənin həlli üçün digər ölkələrlə işləməlidir".
İqtisadiyyat.az xəbər verir ki, bunu Çin Xalq Respublikasının BMT-dəki daimi nümayəndəsinin müavini Qen Şuanq deyib.
"Birləşmiş Ştatlar Çinin sülhü təşviq etmək səylərini nəinki görməmiş və ya eşitməmiş kimi göstərir, həm də Ukrayna məsələlərinə dair Təhlükəsizlik Şurasında dəfələrlə yalan bəyanatlar verib və Çinə böhtan atıb. ÇXR buna qəti şəkildə qarşı çıxır və buna qətiyyən dözümlülük nümayiş etdirmir. Biz ABŞ-yə tövsiyə etmək istərdik ki, əgər o, həqiqətən də münaqişəyə son qoymaq istəyirsə, öz öhdəliklərindən yayınıb qarşıdurma yaratmaq əvəzinə, digər ölkələrlə, o cümlədən Çinlə sülhə nail olmaq üçün səylərini birləşdirsin", - Şuanq qeyd edib.