Birləşmiş Ştatlar Ukrayna böhranı ilə əlaqəsi olduğu iddia edilən Çin şirkətlərinə heç bir fərq qoymadan birtərəfli sanksiyalar tətbiq etməyi dayandırmalıdır.

İqtisadiyyat.az xəbər verir ki, bunu Çinin xarici işlər nazirinin müavini Ma Çjaoxu Vaşinqtonda dövlət katibinin birinci müavini Kurt Kempbell ilə görüşündə deyib.

"Çin Birləşmiş Ştatlardan tələb edir ki, Çini ləkələməyi və ona təzyiq göstərməyi dayandırsın, Çin şirkətlərinə özbaşına birtərəfli sanksiyalar tətbiq etməyi dayandırsın və Ukrayna böhranının həllində konstruktiv rol oynasın", - Ma Çjaoxu qeyd edib. 

O əlavə edib ki, Çin ABŞ-nin yalanlar yaymasına və Ukrayna böhranında Çini günahlandırmasına qətiyyətlə qarşıdır.