Çinin milli kosmik proqramı çərçivəsində 2024-cü ildə 100 buraxılış etməyi planlaşdırdığı açıqlanıb.

İqtisadiyyat.az xəbər verir ki, kosmik proqramın əsas podratçısı olan Çin Aerokosmik Elm və Texnologiya Şirkəti (CASC) tərəfindən nəşr olunan kitabda 2024-cü il üçün planlar açıqlanıb.

Plana görə, ölkə bu il 100 buraxılışda kosmosa 300-dən çox peyk və nəqliyyat vasitəsi göndərəcək və illik buraxılışların sayının əhəmiyyətli dərəcədə artırılması hədəflənir.

Buraxılışların 70-i kosmik proqramın əsas daşıyıcı sistemi olan "Long March" raketləri ilə CASC tərəfindən, qalanları isə onların hazırladığı raketlərlə özəl şirkətlər tərəfindən həyata keçiriləcək.

Çin 2023-cü ildə 67 buraxılış həyata keçirib, onlardan 17-si özəl şirkətlər tərəfindən həyata keçirilib.