Çimərliklərdə və su istirahət mərkəzlərində çətir oxları və insanlar arasında fiziki məsafə qorunacaq.
APA-nın məlumatına görə, bu barədə Çimərliklərdə və su istirahət mərkəzlərində koronavirus infeksiyasının (COVİD-19) profilaktikasına dair metodiki göstərişlərdə bildirilib.
Qeyd edilib ki, fiziki məsafənin qorunması məqsədilə çətirlərin oxlarının arasında minimal məsafə 4 m, insanlar arası fiziki məsafə isə 2 m (ailə üzvləri istisna olmaqla) olmalıdır.
Metodiki göstərişlərdə bildirilib ki, mümkün olan ərazilərdə, döşəmədə işarələr yerləşdirilməlidir.