Microsoft tərəfindən dəstəklənən süni intellekt (AI) şirkəti olan “OpenAI”, “ChatGPT” tətbiqinin Android versiyasını buraxaraq “chatbot”ların əlçatanlığını genişləndirib. 

İqtisadiyyat.az bildirir ki, iOS tətbiqinin buraxılışından sonra gələn bu sistemi işə salmaq, “ChatGPT” tətbiqini “OpenAI” veb-saytından əlavə ilk dəfə olaraq əlçatan edir.

Android proqramı istifadəçilərin tarixçəsini cihazlar arasında sinxronlaşdırmaq imkanı, səsli daxiletmə və ani cavablar, təkliflər, e-poçt və ya təqdimat qaralamaları və s. sürətli giriş kimi bir sıra xüsusiyyətlərlə təchiz edilib.

İstifadəçilər müxtəlif mövzularda suallar vermək, cavablar almaq və yardım almaq üçün “OpenAI”nin daxili səs tanınmasından istifadə edə bilərlər.

“ChatGPT Plus” proqramı ən azı Android 6.0 versiyası tələb edir və abunəçilər ehtiyaclarına uyğun olaraq GPT-3.5 və GPT-4 dil modelləri arasında keçid mümkündür.

Qeyd edək ki, Android üçün “ChatGPT” proqramı Braziliya, Banqladeş, Hindistan, ABŞ, Argentina, Kanada, Almaniya, Fransa, İndoneziya, İrlandiya, Yaponiya, Meksika, Filippin, Nigeriya, İngiltərə və Cənubi Koreyada əlçatandır.

Gələn həftə “OpenAI” ölkələrin sayını artırmağı planlaşdırır.