Azərbaycan xarici işlər naziri Ceyhun Bayramov sabah Gürcüstana səfər edəcək.

İqtisadiyyat.az xəbər verir ki, bu barədə Gürcüstan Xarici İşlər Nazirliyi məlumat yayıb.

Məlumata görə, rəsmi səfər çərçivəsində Azərbaycan xarici işlər naziri Ceyhun Bayramovun bu ölkənin Baş naziri İrakli Kobaxidze, parlament sədri Şalva Papuaşvili, xarici işlər naziri İliya Darçiaşvili ilə görüşləri nəzərdə tutulub.

Nazirlər görüşdə ikitərəfli əməkdaşlığın gündəliyinə daxil olan mühüm məsələləri və regional əməkdaşlıq məsələlərini müzakirə edəcəklər.