Cənubi Koreyada qəzaya uğrayan təyyarədə həlak olan 179 nəfərin hamısının cəsədi tapılıb.
İqtisadiyyat.az bu barədə "Yonhap" agentliyinə istinadən xəbər verir.
***
09:27
Cənubi Koreyada göyərtəsində 181 nəfərin olduğu sərnişin təyyarəsinin qəzaya uğramasından sonra iki nəfər sağ tapılıb, qalanlarının öldüyü ehtimal edilir.
İqtisadiyyat.az bu barədə "Yonhap" agentliyinə istinadən xəbər verir.
Məlumata görə, 85 nəfərin ölümü isə təsdiqlənib.
***
08.45
Cənubi Koreyanın Muan şəhərində sərnişin təyyarəsinin qəzaya uğraması nəticəsində ölənlərin sayı artıb.
İqtisadiyyat.az xəbər verir ki, hadisə nəticəsində 85 nəfər həlak olub.
“Jeju Air” şirkətinin Bankonq-Muan reysini yetirən hava gəmisi eniş etdikdən sonra uçuş-enmə zolağından çıxaraq hasara çırpılıb.
Təyyarənin göyərtəsində 175 sərnişin (2-si tailandlı, 173-ü koreyalı) və 6 heyət üzvü olub.
***
07.35
İqtisadiyyat.az Yonhap agentliyinə istinadən verdiyi məlumata görə, Banqkokdan uçan təyyarənin göyərtəsində 175 sərnişin (173 Koreya Respublikası və 2 Tailand vətəndaşı), həmçinin 6 ekipaj üzvü olub.
İlkin məlumatlara görə, qəza quşlarla toqquşma nəticəsində yaranan eniş qurğusunun nasazlığı səbəbindən baş verib. Ekipaj təyyarəni təhlükəsiz şəkildə yerə endirməyə çalışsa da, təyyarə sürətini azalda bilməyib və uçuş-enmə zolağının sonundakı konstruksiyaya çırpılıb. Nəticədə yanğın baş verib. Qəza yerində xilasetmə işləri davam etdirilir.
***
05:50
Cənubi Koreyanın Colla-Namdo əyalətindəki Muan hava limanında təyyarənin qəzaya uğraması nəticəsində azı 29 nəfər həlak olub.
İqtisadiyyat.az xəbər verir ki, bu barədə “Yonhap” agentliyi məlumat yayıb.
Təyyarədə 175 sərnişin və 6 ekipaj üzvü olub. Belə ki, Banqkokdan gələn təyyarə eniş zolağından kənara çıxıb və hasara çırpılıb.
Fövqəladə Hallar Nazirliyinin məlumatına görə, quşlarla toqquşduğu üçün təyyarənin eniş mexanizmləri işləməyib.
