Cənubi Koreyanın Müdafiə Nazirliyi gələn il hərbi büdcəni 3,6% artıraraq 61,5 trilyon vona (təxminən 46,3 milyard dollar) çatdırmağı təklif edir.

İqtisadiyyat.az xəbər verir ki, bu barədə departamentin saytında qeyd olunub.

Koreya hökuməti 2025-ci il büdcə təklifini sentyabrın 2-də Milli Assambleyaya təqdim etməyi planlaşdırır. Nazirlik qeyd edir ki, parlament bu təklifi təsdiq edərsə, Koreya Respublikasının müdafiə büdcəsi ilk dəfə olaraq 60 trilyon vonu (45,11 milyard dollar) keçəcək. Nazirlik gələn il silahların alınmasına təxminən 18 trilyon von (13,5 milyard dollar) ayırmaq niyyətindədir ki, bu da bu illə müqayisədə 2,4% çoxdur.

Bu il hökumətin müdafiə xərcləri isə 59,4 trilyon von (44,6 milyard dollar) təşkil edib.

 

Gözəl Həşimova