Cəlilabad rayonunda yeni təmir olunan Heydər Əliyev prospektinin asfalt örtüyündə çökmələr əmələ gəlib.

Bu barədə İqtisadiyyat.az-ın redaksiyasına məlumat daxil olub.

Məlumata görə, çöküntü prospekti yeni Ələt–Astara–İran avtomobil yolu ilə birləşdirən və Uzuntəpə kəndi ərazisindən keçən hissədə qeydə alınıb.

Qeyd edək ki, sözügedən prospektdə bundan əvvəl də dəfələrlə çökmə halları baş verib. Hər dəfə təmir-bərpa işləri aparılsa da, yolda yenidən çökmələr yaranır. Buna səbəb isə asfalt örtüyünün döşənməsi zamanı ağırtonajlı nəqliyyat vasitələrinin hərəkətinin nəzərə alınmaması və zəruri profilaktik tədbirlərin görülməməsi iddia edilir.