Ötən gün Cəlilabad rayonunda iki nəfərin ölümü, daha bir neçə nəfərin xəsarət alması ilə nəticələnən yol-nəqliyyat hadisəsi ilə bağlı cinayət işi açılıb.
İqtisadiyyat.az xəbər verir ki, fakta görə Cinayət Məcəlləsinin 263.2-ci maddəsi ilə cinayət işi başlanaraq istintaq aparılır.
Qeyd edək ki, ötən gün saat 13 radələrində Bağırov Yaşar Bağır oğlu etibarnamə əsasında idarə etdiyi "Mercedes 310D mikroavtobus" markalı, 10 LM 174 dövlət qeydiyyat nişanlı nəqliyyat vasitəsi ilə Cəlilabad rayonu, Sadatlı kəndi ərazisində hərəkətdə olduğu zaman idarəetməni itirərək avtomobili aşırıb.
Nəticədə sərnişinlər - Kazımova Səbiyyə Məhərrəm qızı və Şükürova Kəmalə İsaq qızı ölüb, Əskərova Nigar Ağahüseyn qızı, Baxşəliyeva Xatirə Xudaş qızı, Babayeva Zəminə Fərhad qızı, Babayeva Ülviyyə Allahbağış qızı, Abasova Pərvanə Yusif qızı, Cavadova Aynurə Tofiq qızı və Əsgərova Rəvanə Kamil qızı müxtəlif dərəcəli yüngül bədən xəsarətləri alıblar.
TƏBİB-in yaydığı məlumata görə, xəsarət alanlara müxtəlif bədən nahiyyələrinin çoxsaylı travmaları diaqnozu təyin edilib.
