İqtisadiyyat.az xəbər verir ki, bu il rayonda ümumi 65 020 hektar taxıl əkini aparılıb. Bundan 46 980 hektarı buğda, 13 450 hektarı arpa və 4590 hektarı isə vələmirdir.

Rayon üzrə 13450 hektar arpa sahəsinin 8200 hektarında biçin həyata keçirilib, 25100 ton arpa yığılıb, 46980 hektar buğda sahəsinin 1050 hektarında biçin həyata keçirilib və 3680 ton buğda yığılıb.

Hazırda rayon ərazisində taxıl biçini uğurla davam edir.

Xatırladaq ki, ötən il isə rayon ərazisində 66 375 hektar sahədə taxıl əkilib. Bunun 56 725 hektarı buğda, 9 650 hektarı arpa sahəsi olub. Taxıl zəmilərindən 209 124 ton məhsul (2023-cü ildə 204 142, 4 ton) götürülüb və orta məhsuldarlıq 29,55 sentner (2023-cü ildə 28,6 sentner) olub. O cümlədən, 183 222 ton buğda toplanıb ki, burada da orta məhsuldarlıq 32, 3 sentner, 25 902 ton arpa götürülüb ki, burada da orta məhsuldarlıq 26, 8 sentner təşkil edib.