İqtisadiyyat.az xəbər verir ki, bu istiqamətdə yığılan vəsaitlər daha çox kəndlərin daxili yollarının təmir və bərpasına xərclənir.
İndiyədək rayonun əksər kəndlərinin daxili yolları bələdiyyələrdən toplanan vergi və rüsumlar hesabına təmir olunub. Bəzi kəndlərin torpaq yollarına ilk dəfə çınqıl və qum döşənərək həm sakinlərin, həm də nəqliyyat vasitələrinin rahat və təhlükəsiz hərəkətinə şərait yaradılıb.
Alar bələdiyyəsinə ödənilən vergi və rüsumlardan daxil olan vəsait hesabına Ələt-Astara magistral avtomobil yolunun bu kənddən keçən hissəsinə yüksək keyfiyyətli küçə işıqları quraşdırılıb.
Şiləvəngə-Adnalı-Bədirli avtomobil yolunda və Adnalı kəndində kənddaxili yollara küçə işıqlarının quraşdırılması işləri həyata keçirilib.
Cəlilabad bələdiyyəsi tərəfindən vətəndaşların bələdiyyəyə ödədikləri vergi və rüsumlardan daxil olan vəsait hesabına Seyidbazar kənd sakinlərinin içməli suya olan təlabatını təmin etmək məqsədilə bu yaşayış məntəqəsində dərinliyi 100 metr olacaq artezian quyusu qazılır.
