Türkiyənin Çanaqqala vilayətində meşə yanğını ilə əlaqədar ehtiyat tədbiri olaraq 1428 nəfərin təxliyə edildiyini bildirib.
İqtisadiyyat.az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
AFAD-dan verilən məlumata görə, Çanaqqalanın Damyeri bölgəsi yaxınlığında baş verən meşə yanğını nəzarət altına alınıb. Tüstüdən zərər çəkən 99 vətəndaşdan 29-nun müalicəsi davam edir.
Yanğınsöndürmə işlərində 8 təyyarə, 30 helikopter, 241 su çiləyici, 81 su tankeri, 22 TOMA, 468 digər maşın və texnikalar, 33 qeyri-hökumət təşkilatından 298 canlı qüvvə və 72 texnika, ümumilikdə 3 min 199 personal və 922 hava və quru vasitəsi istifadə edilib.
