Məşhur “CAN-PA” şirniyyat şirkəti qanunvericiliyin tələblərindən birini pozub.
İqtisadiyyat.az xəbər verir ki, buna görə də şirkət barəsində İnzibati Xətalar Məcəlləsinin 326-cı maddəsinə əsasən cərimə protokolu tərtib edilib.
Daha sonra protokol baxılması üçün Abşeron Rayon Məhkəməsinə göndərilib.
Məhkəmə işi hakim Cəmilə Səfiyevanın sədrliyi ilə araşdırılacaq.
Şirkətin barəsində protokol tərtib olunan maddədə deyilir ki, sərnişin və yük daşımalarını yerinə yetirən avtonəqliyyat vasitələrinin texniki vəziyyətinin reysqabağı yoxlanılmasının, həmin avtonəqliyyat vasitələrinin sürücülərinin reysqabağı və digər zəruri tibbi müayinəsinin təşkil edilməməsinə görə hüquqi şəxslər iki min manatdan üç min manatadək məbləğdə cərimə edilir.
Xatırladaq ki, “CAN-PA” şirniyyat şirkəti 2003-cü ildə dövlət qeydiyyatına alınıb. Şirkətin nizamnamə kapitalı 750 000 dollar, qanuni təmsilçisi isə Yaşar Candır.
