"Cahan-Sənaye Kompleksi" MMC malları və nəqliyyat vasitələrini bəyan etmədiyinə görə cərimələnib.
İqtisadiyyat.az-ın əldə etdiyi məlumata görə, Dövlət Gömrük Komitəsi tərəfindən şirkət barəsində İnzibati Xətalar Məcəlləsinin 482.2-ci (Malların və nəqliyyat vasitələrinin bəyan edilməməsi və ya düzgün bəyan edilməməsi) maddəsinə əsasən cərimə protokolu tərtib edilib.
Daha sonra protokol baxılması üçün Gəncə Şəhər Məhkəməsinə göndərilib. Məhkəmədə barəsində protokol tətbiq edilmiş MMC ilə bağlı müraciətə baxılıb.
Hakim Elxan Əlizadənin sədrliyi ilə keçirilən prosesdə qərar elan olunub. Qərara əsasən, şirkətə inzibati tənbeh tətbiq edilib, yəni cərimə kəsilib.
Malların və nəqliyyat vasitələrinin bəyan edilməməsi və ya düzgün bəyan edilməməsinə görə inzibati xətanın bilavasitə obyekti olan mallar və nəqliyyat vasitələrinin dəyərinin 30 faizindən altmış faizinədək məbləğdə cərimə edilir.
Qeyd edək ki, “Cahan Sənaye Kompleksi” ASC 2008-ci ildə Naxçıvanda təsis edilib. 416865.60 manat nizamnamə kapitalına malik olan ASC “Cahan Holdinq” Kommersiya Şirkətlər İttifaqının layihələrindən biridir. Komleksin rəhbəri Samir Hümbətovdur.
