Qlobal inflyasiya 2024-2025-ci illərdə gözləniləndən bir qədər yavaş azalacaq.

İqtisadiyyat.az xəbər verir ki, bu barədə Beynəlxalq Valyuta Fondunun (BVF) Vaşinqtonda təqdim etdiyi dünya iqtisadiyyatının inkişaf perspektivlərinə dair son hesabatında deyilir.

Bu proqnozlara görə, bütövlükdə inkişaf etmiş iqtisadiyyatlarda inflyasiyanın azalma tempi dəyişməz olaraq qalır. BVF qlobal inflyasiyanın bu il 6,8%-dən 5,9%-ə və 2025-ci ildə isə 4,5%-ə enəcəyini proqnozlaşdırır.

Bununla da qlobal inflyasiya proqnozu yanvar ayı proqnozu ilə müqayisədə 0,1 faiz bəndi artırılıb. Bildirilib ki, Avrozonada, Yaponiya və Böyük Britaniyada inflyasiya gözlənildiyindən daha sürətlə azalacaq ki, bu da ABŞ-də daha yavaş enişlə kompensasiya olunacaq.

 

Gözəl Həşimova