Beynəlxalq Valyuta Fondu (BVF) genişləndirilmiş kreditləşmə mexanizmi çərçivəsində Ukraynaya 880 milyon dollar məbləğində növbəti tranşın ayrılmasına dair sazişi təsdiqləyib.

İqtisadiyyat.az xəbər verir ki, bu barədə BVF-nin mətbuat xidmətinin yaydığı məlumatda deyilir.

Məlumata görə, BVF rəhbərliyi təşkilatla Ukrayna rəhbərliyi arasında əvvəllər əldə edilmiş işçi razılaşmaların nəzərdən keçirilməsini başa çatdırıb. Bu, Ukraynaya büdcə dəstəyi üçün istifadə olunacaq 880 milyon dolları dərhal ayırmağa imkan verəcək.

Növbəti tranşın Ukraynaya ayrılması ilə bağlı razılıq fevral ayında əldə olunub.

 

Gözəl Həşimova