"Bir sıra ölkələrdə dövlət borcunun səviyyəsi son 50 ilin ən yüksək səviyyəsinə çatıb".
İqtisadiyyat.az xəbər verir ki, bu barədə Beynəlxalq Valyuta Fondunun (BVF) Tədqiqat Departamentinin direktor müavini Antonio Spilimberqo bildirib.
Onun sözlərinə görə, bu vəziyyət qlobal iqtisadiyyat üçün ciddi problemdir:
"Qlobal iqtisadiyyat üçün başqa bir problem yoxsulluğun artmasıdır. Bu problemin həlli, bir sıra ölkələrin hakimiyyət orqanları tərəfindən sosial xərclərin artırılması ola bilər.
Hazırda bir çox ölkələrdə əhalinin ən həssas təbəqələri əlavə problemlərlə üzləşirlər. Söhbət, digər məsələlərlə yanaşı, maliyyə və iqlim çətinliklərindən gedir. Bunun fonunda bir sıra ölkələrin hakimiyyət orqanları bu vətəndaşlara lazımi sosial dəstək göstərməlidir.
Eyni zamanda, təkcə inkişaf etməkdə olan deyil, həm də inkişaf etmiş ölkələr yüksək səviyyədə borc öhdəlikləri ilə üzləşirlər. Son zamanlar vəziyyət nəzərəçarpacaq dərəcədə pisləşib. Xüsusilə ABŞ artan dövlət borcu problemi ilə üzləşib".
Gözəl Həşimova
