İqlim dəyişikliyinin yaratdığı buzlaqların əriməsi prosesi davam edərsə, planetimiz üçün fəlakətli nəticələr ola bilər.

İqtisadiyyat.az "Planet Today"a istinadən xəbər verir ki, birinci və ən bariz nəticə dəniz səviyyəsinin qalxmasıdır. Planetin bütün buzlaqlarının tamamilə əriməsi halında dünya okeanının səviyyəsi 66 metr qalxacaq.

Bildirilib ki, bu, Nyu-York və Sankt-Peterburq kimi iri şəhərlərin su altında qalmasına, eləcə də dünyanın sahilyanı bölgələrində böyük dəyişikliklərə səbəb olacaq.

Bundan əlavə, Yer kürəsinin iqliminin tənzimlənməsində mühüm rol oynayan qlobal okean axınları sistemi pozulacaq. Axının istiqamətinin dəyişməsi Avropa və Şimali Amerikada havaların kəskin soyumasına, eləcə də digər regionlarda quraqlığa səbəb ola bilər. Əriyən buzlaqlar, həmçinin dəniz ekosistemlərinin tarazlığını pozacaq, balıqçılıq və biomüxtəlifliyə ciddi təsir edəcək.

Qeyd edilib ki, buzlaqların əriməsi iqlim üçün ciddi təhlükə yaradan xeyli miqdarda metan buraxa bilər. Metan karbon dioksiddən qat-qat güclü istixana qazıdır və onun emissiyaları sürətlənmiş iqlim dəyişikliyinə səbəb ola bilər.

Gözəl Həşimova