İqtisadiyyat.az xəbər verir ki, o, ARDNF-nin İnvestisiya departamentinin Sabit gəlirli qiymətli kağızlar və pul bazarları şöbəsində baş treyder vəzifəsində çalışırmış.

Məlumata görə, o, 5 il əvvəl Fondda təyinat alıb. Yüksək peşəkarlığı və səmimiyyəti ilə hər zaman fərqlənən və fəaliyyət göstərdiyi 5 ildən çox müddət ərzində onun Fonda mühüm töhfələr verdiyi bildirilir.

Xatırladaq ki, sosial şəbəkədə burun çəpərindəki əyriliyi aradan qaldırmaq üçün əməliyyata girən N.Mansurovanın sonradan komaya düşdüyü barədə məlumatlar yayılıb. İddia olunur ki, onun beyninə çirk dolub. N.Mansurova yanvarın 5-də də “Liv Bona Dea” hospitalının reanimasiya şöbəsinə kritik vəziyyətdə daxil olub. Xəstə süni-tənəffüs aparatına qoşulub, intensiv müalicə aparılıb. Göstərilən səylərə baxmayaraq, xəstə komadan ayılmayıb və dünyasını dəyişib.

Səhiyyə Nazirliyi Analitik Ekspertiza Mərkəzində baş vermiş faktın araşdırılması ilə bağlı yoxlama başlanılıb. Həmçinin fakt Nəsimi Rayon Prokurorluğunda araşdırılır.