Burkina Faso ordusu ölkənin qərbində keçirdiyi əməliyyat zamanı Əbu Fadima ləqəbi ilə tanınan terrorçu Sanqare Bukari də daxil olmaqla 15 silahlını məhv etməyə nail olub.
İqtisadiyyat.az xəbər verir ki, bu barədə Burkina Xəbər Agentliyi məlumat yayıb.
Məlumata görə, silahlı quldurlar əvvəllər Sono kommunasının Kuri kəndinə hücum etdikləri Kossi əyalətində məhv ediliblər.
Əbu Fadimə əvvəllər axtarışa verilib. Təhlükəsizlik qüvvələrinin məlumatına görə, o, əvvəlcə Sahel bölgəsində fəaliyyət göstərən terrorçuları yanacaqla təmin edib, daha sonra Barani bölgəsində (Burkina-Fasonun şimal-qərbində) yerləşən meşədə terrorçu bazalarının yaradılmasında iştirak edib. Daha sonra Əbu Fadimə hərbi personala, jandarmlara və mülki şəxslərə hücumları əlaqələndirib.
Burkina Faso 2015-ci ildən Qərbi Afrikada terror fəaliyyətinin episentri olub. Ölkədə bir neçə beynəlxalq ekstremist qruplar, o cümlədən İŞİD-in bir parçası olan Böyük Səhrada İslam Dövləti və Ənsarül-İslam fəaliyyət göstərir.
