Lənkəran Dövlət Universiteti (LDU) əlavə binasının tikintisi üçün ilkin mərhələdə sərf olunacaq məbləği açıqlayıb.

İqtisadiyyat.az xəbər verir ki, H.Aslanov 50 unvanında yerləşən ali məktəbin yeni inzibati binasının inşasının 1 111 039,62 manata başa gələcəyi ehtimal edilir.

Tikintisi planlaşdırılan yeni bina 2 mərtəbəli olacaq.

Universitet tikinti ilə bağlı hazırlıq işlərinə başlayıb. Hazırda inşaat işlərini həyata keçirəcək şirkət axtarışındadır. 

Qeyd edək ki, LDU 1991-ci ildə Bakı Dövlət Universitetinin filialı kimi fəaliyyətə başlayıb, 1992-ci ildə isə müstəqil dövlət universitetinə çevrilib. Hazırda universitetdə 5000-ə yaxın tələbə bakalavr, magistratura və doktorantura səviyyəsi üzrə təhsil alır, 400-ə yaxın professor-müəllim və inzibati heyət çalışır.