2025-ci ildə Naxçıvan Dövlət Universitetinin (NDU) əməkdaşlarının aylıq vəzifə maaşları orta hesabla 15% artırılıb.

İqtisadiyyat.az xəbər verir ki, bunu NDU-nun rektoru Elbrus İsayev  "Naxçıvan Dövlət Universitetində 2024-cü ilin yekunları və 2025-ci il üzrə prioritetlər" mövzusunda keçirilən brifinqdə deyib.

Onun sözlərinə görə, differensial əməkhaqqıların tətbiqi həyata keçirilir: "2024-cü ildə "Akademik fəaliyyətin qiymətləndirilməsi mexanizmi" çərçivəsində 50 əməkdaşın əməkhaqqına 1 il müddətində 10-25% stimullaşdırıcı əlavələr edilib. Scopus və Web of Science bazalarındakı hər bir nəşr üçün 1500-2500 manat, digər indeksli xarici nəşrlər üçün 100 manat, Hirş indeksi və istinadlara görə 300-500 manat, hər bir patent üçün 1000 manat məbləğində mükafatlar təqdim olunub".