İqtisadiyyat.az xəbər verir ki, razılaşmaya əsasən, "Korean Air" 2033-cü ilədək 20 ədəd "Boeing 777-9" və 20 ədəd "Boeing 787-10" təyyarəsi alacaq.

Bununla yanaşı, şirkət əlavə 10 təyyarə sifariş etməyi də nəzərdən keçirir. Müqaviləyə əsasən, "Boeing" bu satışdan 24,9 milyard dollar, mühərrik və ehtiyat hissələrinin tədarükçüsü olan "GE Aerospace" isə 7,8 milyard dollar gəlir əldə edəcək.

Hazırda "Korean Air" donanasında 167 təyyarə yer alır. Şirkət "Boeing" 737, 747, 777 və 787 modelləri ilə yerli və beynəlxalq reyslər həyata keçirir. "Korean Air" ümumilikdə 44 ölkədə 126 şəhərə uçuşlar təşkil edir.