İnsan COVID-19 olma-olmaya özümüzü pis hiss edə, öskürmə və temperatuur ola bilər. Bu da insanda COVID-19 qorxusu yaradır.
Bunu Səhiyyə Nazirliyinin Aparat rəhbəri Nadir Zeynalov Nazirlər Kabineti yanında Operativ Qərargahın bu gün keçirilən brifinqində deyib.
O bildirib ki, xəstələrin qeydiyata götürülməsi və izlənilməsi prosesinə yenicə başlanılıb: “Özünü pis hiss edən və qızdırması olanlar məsləhətdir ki, polikilinikaya telefon vasitəsi ilə müraciət etsinlər və ya tanıdığı sahə həkiminə məlumat versinlər. Ona əlavə suallar veriləcək. Bu suallar əsasında həkim qərar verəcək ki, COVID-19 şübhəsi var, yoxsa yox. Bunun üçün hansı addımların atılması ilə bağlı təlimat verəcək”.
