Litvada diplomatik avtomobillər istisna olmaqla, Rusiya dövlət nömrə nişanlı avtomobillərdən istifadə qadağan edilib.
İqtisadiyyat.az xəbər verir ki, bu barədə Litva Gömrük İdarəsi məlumat açıqlayıb.
Məlumata görə, dünəndən etibarən Rusiya dövlət nömrə nişanlı avtomobillərdən istifadə edənlər qanunvericiliyi pozmuş hesab olunacaq və İnzibati Xətalar Məcəlləsinə uyğun olaraq məsuliyyətə cəlb olunacaqlar.
Bildirilib ki, Litvada təxminən 50 Rusiya nömrəli avtomobil var. Bu vasitələrin sahibləri 6 min 561 dollara qədər cərimələnəcək və avtomobilləri müsadirə ediləcək.
Gözəl Həşimova
