İqtisadiyayt.az xəbər verir ki, bu barədə “The Local” qəzeti məlumat yayıb.

Danimarkada pensiya yaşının mərhələli şəkildə artırılmasını nəzərdə tutan qanun parlamentdə 81 “hə” və 21 “xeyr” səsi ilə qəbul edilib.

Hazırda ölkədə 67 olan pensiya yaşı yeni qanuna əsasən tədricən artırılaraq 2030-cu ildə 68, 2035-ci ildə 69, 2040-cı ildə 70 yaşa çatdırılacaq.

70 yaşında pensiyaya çıxmaq hüququ 31 dekabr 1970-ci ildən sonra doğulmuş vətəndaşlara şamil olunacaq. Danimarka pensiya yaşını 70-ə çatdırmaqla Avropada ən yüksək pensiya yaşına malik ölkə olacaq.

İqtisadi Əməkdaşlıq və İnkişaf Təşkilatının (OECD) "Daha yaxşı həyat indeksi" məlumatlarına görə, Danimarkada gözlənilən ömür uzunluğu 82 olaraq göstərilir.

Bildirilib ki, pensiya yaşının artırılmasına qarşı çıxan insanlar paytaxt Kopenhagendə həmkarlar ittifaqının dəstəklədiyi etiraz aksiyaları keçirib.

 

Gözəl Azadəliyeva