Qazaxıstanda "Kalaşnikov" avtomatlarının istehsalı dayandırılıb.

İqtisadiyyat.az xəbər verir ki, bu barədə ölkənin sənaye və tikinti nazirinin müavini Əzəmət Beyspekov jurnalistlərə açıqlamasında bildirib.

O, buna səbəb kimi ölkədə silah ixracına tətbiq edilən məhdudiyyətləri göstərib: "Hazırda ölkəmizdə silah ixracına məhdudiyyət var. Ona görə də Kalaşnikov avtomatlarının istehsalı artıq dayandırılıb".

Qeyd edək ki, Qazaxıstan hökuməti 2022-ci ilin avqustunda silah, hərbi texnika və hərbi məhsulların ixracına müvəqqəti qadağa qoyub.

 

Gözəl Həşimova