ABŞ-nin texnologiya nəhəngi "Apple" şirkətinin ən yeni ağıllı saat modelləri olan "Apple Watch Ultra 2" və "Apple Watch Series 9"un ABŞ-də satışı qadağan edilib.

İqtisadiyyat.az xəbər verir ki, bu barədə ABŞ Beynəlxalq Ticarət Komissiyasının məlumatında deyilir.

Məlumata görə, oktyabr ayında tibbi monitorinq texnologiyası şirkəti "Masimo"nun şikayətindən sonra "Apple"a sözügedən ağıllı saatların idxalını və satışını dayandırmağı əmr edən qərara Co Baydenin administrasiyası veto qoymayıb.

Dekabrın 25-nə qədər Bayden administrasiyası qərara veto qoymadığından, "Apple"ın ən yeni ağıllı saat modellərinin ölkədə satışı qadağan edilib.

ABŞ Beynəlxalq Ticarət Komissiyası "Apple"ın "Masimo" və "Cercacor Laboratories"ə məxsus iki patenti pozduğunu müəyyən edib.

 

Gözəl Həşimova