Nigeriyanın şimal-şərqindəki daşqınlar səbəbilə 230 mindən çox insan didərgin düşüb.

İqtisadiyyat.az xəbər verir ki, bu barədə Birləşmiş Millətlər Təşkilatının (BMT) Ümumdünya Ərzaq Proqramı (WFP) məlumat yayıb.

Bildirilib ki, Ümumdünya Ərzaq Proqramı zərər çəkmiş icmalara təcili ərzaq yardımı göstərmək üçün Borno əyalətində öz işini davam etdirir. Açıqlamada bölgədə son 30 ilin "ən pis sel fəlakəti" olaraq xarakterizə edilən vəziyyətdən ən çox zərər çəkən 50 min insana isti yeməklərin çatdırıldığı qeyd olunub.

Həmçinin, ölkədə təxminən 32 milyon insanın kəskin aclıqla üzləşdiyi bildirilib.

 

Gözəl Həşimova