Finlandiya Ukrayna taxılının ixracını təmin etmək məqsədi ilə Ümumdünya Ərzaq Proqramının (ÜƏP) təşəbbüsünə əlavə 3 milyon avro ayıracaq.

İqtisadiyyat.az xəbər verir ki, bu barədə Finlandiya Xarici İşlər Nazirliyi məlumat yayıb.

Məlumata görə, Finlandiya Ukrayna taxılının ixracını təmin etmək üçün artıq 11,5 milyon avro və bu ölkə ərazisinin minalardan təmizlənməsi üçün 8,25 milyon avro ayırıb. Bildirilib ki, Finlandiyanın dəstəyi ilə ÜƏP Ukraynadan taxıl alır və onu ərzaq böhranından əziyyət çəkən Afrika ölkələrinə çatdırır.

Qalan vəsait kənd təsərrüfatı üçün yararlı ola biləcək ərazilərin minalardan təmizlənməsinə yardım üçün nəzərdə tutulub.

 

Gözəl Həşimova