Avstraliyanın müdafiə naziri Riçard Marles qarşıdakı 10 ildə müdafiə xərcləri üçün 50 milyard dollarlıq əlavə büdcə ayrılacağını açıqlayıb.
Bu barədə İqtisadiyyat.az "ABC News"a istinadən xəbər verir.
Avstraliya Milli Mətbuat Klubunda çıxış edən Marles “İnteqrasiya edilmiş İnvestisiya Proqramı” və ölkənin müdafiə büdcəsinin artırılması planını ehtiva edən 2024-cü il Milli Müdafiə Strategiyasını təqdim edib.
Marles, 72,8 milyard dolların isə mövcud xərclərin yenidən təşkili ilə müdafiə xərclərində istifadə edilə biləcəyini ifadə edib.
Nazir qeyd edib ki, hökumətin yeni planı çərçivəsində uzaqmənzilli raketlərin, hədəf nişanlı və avtonom silah sistemlərinin inkişafı üçün 1 milyard dollardan çox vəsait ayrılacaq.
Gözəl Həşimova
