Rusiya ötən il yenidən dünyanın ən yaxşı 20 qida ixracatçısı siyahısına daxil olub.

İqtisadiyyat.az "TASS"a istinadən xəbər verir ki, bu barədə Rusiya Federasiyası Kənd Təsərrüfatı Nazirliyi yanında “Aqroeksport” Federal Mərkəzi məlumat yayıb.

Məlumata görə, ərzaq məhsulları və kənd təsərrüfatı xammalının ən böyük tədarükçüləri arasında Rusiya öz payını 2,1%-ə çatdıraraq 17-ci yeri tutub. Eyni zamanda, ilk 20 ölkə arasında Rusiya kənd təsərrüfatı məhsullarının ixracında son 10 ildə ən böyük artımı nümayiş etdirib.

Bildirilib ki, ötən il Rusiyanın kənd təsərrüfatı məhsullarının ixracı 12% artaraq 41,6 milyard dollara çatıb. O cümlədən, Rusiyanın taxıl ixracından əldə etdiyi gəlir isə 18% artıb.