Braziliya dünyanın ən böyük qarğıdalı ixracatçısı kimi ABŞ-ni geridə qoyub.

İqtisadiyyat.az xəbər verir ki, bu barədə Birləşmiş Ştatların Kənd Təsərrüfatı Departamentinin (USDA) məlumatında deyilir.

Məlumata görə, Braziliya bu ilin avqustunda başa çatan məhsul ilində ABŞ-ni ötərək dünyanın aparıcı qarğıdalı ixracatçısına çevrilib. Braziliya ümumilikdə 56 milyon ton qarğıdalı ilə qlobal  ixracın 32%-ni təşkil edib.

Bunun əksinə olaraq, qarğıdalı bazarında bir əsrdən çox müddətdə lider olan ABŞ isə 41,3 milyon ton qarğıdalı ilə qlobal ixracda 23% paya sahib olub. Sonuncu dəfə Braziliya qarğıdalı ixracına görə ABŞ-ni 2013-cü ildə ötüb.

Qeyd edək ki, Azərbaycan bu ilin yanvar-avqust aylarında 19,2 milyon dollar dəyərində 65,3 min ton qarğıdalı idxal edib.

 

Gözəl Həşimova