"Samsung Electronics" və "SK Hynix"in başçılıq etdiyi Cənubi Koreya texnologiya şirkətləri 2027-ci ilə qədər dünyanın ən böyük yarımkeçirici istehsalı klasterinin qurulmasına 471 milyard dollar sərmayə qoymağı planlaşdırır.

Bu barədə İqtisadiyyat.az "Bloomberg"ə istinadən xəbər verir.

Məlumata görə, Seulun yaxınlığında onlarla müəssisədən ibarət nəhəng klasterin yaradılması planlaşdırılır. Mövcud 21 zavoda daha 13 müəssisə və üç tədqiqat mərkəzi əlavə olunacaq.

Hazırda Cənubi Koreya qlobal çip ixracının təxminən 16%-ni təşkil edir.

Qeyd edək ki, bir çox ölkələr yarımkeçirici istehsalına investisiyaları artırır.

 

Gözəl Həşimova