"Abşeron-M" Mənzil Tikinti Kooperativinin (MTK) yığılmış vergi borcunun həcmi açıqlanıb.

İqtisadiyyat.az-ın əldə etdiyi məlumata görə, MTK-nın hazırda yığılmış vergi borcu 1 880 241,72 manat təşkil edir. 

Şirkət uzun müddətdir vergi borcu ilə üzləşsə də ödəmir. Bu il daxil olan bəri MTK-nın vergi borcu hər ay 7-10 min manat civarında artır.

Nəzərə alaq ki, Vergi Məcəlləsinin 23-cü maddəsinə əsasən vergi borcunun gecikdirilməsinə görə sanksiyalar nəzərdə tutulub.

Qeyd edək ki, bir müddət əvvəl MTK "Tau Compleks" MMC-nin ona qoşulması yolu ilə yenidən təşkil edilib. Hər iki şirkətin qanuni təmsilçisi Orxan İsgəndərzadədir. "Abşeron-M" MTK 2016, "Tau Compleks" isə 2019-cu ildə dövlət qeydiyyatına alınıb.