"Moldova hökuməti 2023 və 2024-cü illərdə büdcə kəsirini ödəmək üçün 10 milyard ley (512 milyon dollar) tapmalıdır".

İqtisadiyyat.az xəbər verir ki, bu barədə ölkənin Baş naziri Dorin Recean bildirib.

"Moldova iqtisadiyyatı Ukrayna ərazisindəki münaqişədən zərər çəkib. Bu müharibə bazarların itirilməsinə, mal tədarükünün pozulmasına və istehsalın azalmasına səbəb olub. Ötən il Moldova iqtisadiyyatı 6,5% kiçilib. Ölkə iqtisadiyyatının bu il isə 2,2% kiçiləcəyi gözlənilir. Hazırda Moldovada inflyasiya yüksək (10%) səviyyədədir və vergi daxilolmaları isə gözləniləndən aşağıdır", - deyə Recean vurğulayıb.

 

Gözəl Həşimova