Yeni satışa çıxan "iPhone 15" modelləri ilə bağlı Internetdə daha bir problem barəsində məlumat ortaya çıxıb.

İqtisadiyyat.az xəbər verir ki, "iPhone 15" modellərində səsgücləndiricilər ilə bağlı problemlər olduğu bildirilir.

Belə ki, "15 Pro Max" modelində səsgücləndiricilərdən gələn səs xırıltılı şəkildə əks olunub. Bu problem müxtəlif "iPhone 15" modellərində yaşanır və görünür.

İstifadəçilərin sözlərinə əsasən smartfonda səs gücünü maksimum təyin edəndən sonra səs xırıltılı şəkildə əks olunur. Bundan əlavə, olaraq səsin təhrif olunması halları da müşahidə olunur. Problemin mənbəyi hələ bilinmir və şirkət bu məsələyə rəsmi fikir bildirməyib.

 

Gözəl Həşimova