Azərbaycanda bu ilin iki ayında 594 əkiz, 36 üçəm doğulub.
Bu barədə İqtisadiyyat.az Dövlət Statistika Komitəsinə istinadən xəbər verir.
Cari ilin yanvar-fevral aylarında Ədliyyə Nazirliyinin rayon (şəhər) qeydiyyat şöbələri tərəfindən 17081 doğulan körpə qeydə alınıb və ötən ilin müvafiq dövrü ilə müqayisədə əhalinin hər 1000 nəfərinə bu göstərici azalaraq 11,7-dən 10,2-yə düşüb.
Doğulan körpələr arasında oğlan uşaqlarının xüsusi çəkisi 52,5 faiz, qız uşaqlarının xüsusi çəkisi isə 47,5 faiz olub.
Körpələrdən 594-ü əkiz, 36-sı üçəm doğulub.
