İyul ayında qlobal bazarda xam polad istehsalı 158,5 milyon tona çatıb. 

İqtisadiyyat.az xarici mediaya istinadən bildirir ki, baş ofisi Brüsseldə yerləşən Dünya Polad Assosiasiyası (Worldsteel) iyul ayı üçün xam polad istehsalı məlumatlarını açıqlayıb.

Hesabata görə, 2023-cü ilin iyul ayında əvvəlki ilin eyni dövrü ilə müqayisədə Çində xam polad istehsalı 11,5 faiz artaraq 90,8 milyon tona, Yaponiyanın istehsalı isə 0,9 faiz artaraq 7,4 milyon tona çatıb. 

Eyni dövrdə ABŞ-ın istehsalı isə 0,5 faiz artaraq 6,9 milyon tona, Türkiyənin xam polad istehsalı 6,4 faiz artaraq 2,9 milyon tona, Rusiyanın istehsalı 5,8 faiz artaraq 6,3 milyon tona çatıb.

Braziliyanın istehsalı 4,7 faiz azalaraq 2,7 milyon tona, Almaniyanın istehsalı 0,5 faiz azalaraq 3 milyon ton təşkil edib. 

Gülşən Şərif