Dünyada milyarderlərin sərvəti ötən il də artmaqda davam edib.
İqtisadiyyat.az-ın araşdırmasına görə, ötən il həm milyarderlərin sayı, həm də onların sərvəti çoxalıb.
2024-cü ildə milyarderlərin sayı 2565 nəfərdən 2769-a, onların ümumi sərvəti isə 13 trilyon dollardan 15 trilyon dollara yüksəlib. Bu, milyarderlərin sərvətindəki ikinci ən böyük illik artımdır.
Dünyanın ən varlı on adamının sərvəti isə gündə orta hesabla təxminən 100 milyon dollar artıb.
Dünya Bankının məlumatına görə, gündə 6,85 dollardan az pulla yaşayan insanların faktiki sayı 1990-cı ildən bəri demək olar ki, dəyişməyib.
Araşdırmalara görə, milyarderlərin sərvətinin 36 faizi mirasdır. Belə ki, 30 yaşdan kiçik hər milyarder öz sərvətini miras alıb. Milyarderlərin sərvətindəki ən böyük illik artım (5,8 trilyon dollar) 2021-ci ildə, COVID-19 pandemiyası zamanı baş verib.
Beləliklə, "Bloomberg Milyarderlər İndeksi"nin bu günə olan məlumatına görə, hazırda dünyanın ən zəngin insanları bunlardır:
Milyarder |
Sərvəti |
İlon Mask |
418 milyard dollar |
Ceff Bezos |
256 milyard dollar |
Mark Zukerberq |
246 milyard dollar |
Larri Ellison |
194 milyard dollar |
Bernard Arno |
189 milyard dollar |
Larri Peyc |
178 milyard dollar |
Sergey Brin |
168 milyard dollar |
Bill Qeyts |
164 milyard dollar |
Uorren Baffet |
145 milyard dollar |
Stiv Balmer |
143 milyard dollar |
Gözəl Həşimova