“Ümumi plana əsasən, 61-62 min insan ali məktəbə qəbul olacaq və onların 27-28 mini dövlət sifarişli yerlərdə oxuyacaq”.
İqtisadiyyat.az xəbər verir ki, bunu Dövlət İmtahan Mərkəzinin İdarə Heyətinin sədri Məleykə Abbaszadə Real TV-yə müsahibəsində deyib.
“Bundan əlavə təhsil haqqında qanunun 14.8-ci maddəsi və onun bəndlərinə əsasən bir sıra şəxslər ödənişli əsaslarda universitetlərə qəbul olsa da, həmin şəxslər ödənişdən azad olunur və təhsil haqları Nazirlər Kabineti tərəfindən ödənilir. Keçən il bu bəndlərə əsasən 4 min insanın ödənişi dövlət tərəfindən ödənildi”, - o qeyd edib.
DİM sədri əlavə edib ki. bu il 86 min gənc tələbə adını qazanacaq:
"Bu il ali məktəblərlə birlikdə orta ixtisas məktəblərinə qəbul aparılır. Orta ixtisas məktəblərində 26 min nəfər qəbul olunması gözlənilir. Ümumilikdə 86 min tələbənin 37 mini ödənişsiz təhsil alacaq".
