Bu ilin birinci yarısında ən çox satılan smartfonlar sıralanıb. 

İqtisadiyyat.az xəbər verir ki, "Omdia" şirkəti smartfonların satışı ilə bağlı məlumatları dərc edib. 

Müvafiq olaraq, ilk dörd yeri iPhone tutub. İlk onluğa baxdığımızda liderlikdə Samsung və Apple yer alıb.

2023-cü ilin birinci rübünü əhatə edən məlumatlara görə, ən çox iPhone 14 Pro Max satılıb. Ondan sonra ikinci yerdə iPhone 14 Pro və üçüncü isə iPhone 14 gəlir. Maraqlıdır ki, iPhone 13 dördüncü yerdə qərarlaşıb.

Siyahıda beşinci yeri Samsung Galaxy A14 tutur. Müvafiq olaraq Galaxy S23 Ultra, Galaxy A14 5G, Galaxy A54 5G və Galaxy A34 5G gəlir. Sonuncu yerdə illər əvvəl təqdim olunmasına baxmayaraq, satışlarını qoruyan iPhone 11 qərarlaşıb.

Beləliklə, "Omdia"ya görə 2023-cü ilin ən çox satılan telefonları belə sıralanır:

1. iPhone 14 Pro Max (26,5 milyon)

2. iPhone 14 Pro (21 milyon)

3. iPhone 14 (16,5 milyon)

4. iPhone 13 (15,5 milyon)

5. Galaxy A14 (12,4 milyon)

6. Galaxy S23 Ultra (9,6 milyon)

7. Galaxy A14 5G (9 milyon)

8. A54 5G (8,8 milyon)

9. A34 5G (7,1 milyon)

10. iPhone 11 (6,9 milyon)