Bu il 150 ölkədən 1,8 milyon zəvvarın Həcc ziyarətində olub.
İqtisadiyyat.az xəbər verir ki, bu barədə Səudiyyə Ərəbistanının Həcc və Ümrə naziri Tofiq er-Rabia bildirib.
O, bu il 150 ölkədən zəvvarların ümumi sayının 1 milyon 845 min nəfərə çatdığını, onlardan 184 min 130 nəfərinin Səudiyyə Ərəbistanı vətəndaşı olduğunu qeyd edib.
Səudiyyə Ərəbistanı Statistika İnstitutu bu il zəvvarların statistikaı barədə açıqlama yayıb. Açıqlamada xarici ölkələrdən gələn ziyarətçilərin sayı qeyd edilib. Belə ki, ərəb ölkələrindən 346 min 214 nəfər, Asiya ölkələrindən 1 milyon 56 min 317 nəfər, Afrikadan 221 min 863 nəfər, Avropa, ABŞ, Avstraliya və digər ölkələrdən 36 min 521 nəfər zəvvar Həcc ziyarətində olub.
Onların 1 milyon 593 min 271-i ziyarət üçün hava, 60 min 813-ü quru, 6 min 831-i isə dəniz yolunu istifadə edib.
Yerli və xarici zəvvarların ümumi sayı arasında kişi zəvvarların sayı 969 min 694, qadın zəvvarların sayı isə 875 min 351 nəfərə olub.
