Ukraynanın xaricdəki nümayəndəlikləri pasportların verilməsini dayandırıb.

Bu barədə İqtisadiyyat.az “Strana” nəşrinə istinadən xəbər verir.

Yeganə istisna 12 yaşdan kiçik uşaqlardır, çünki onlar biometrik yoxlama tələb etmir.

Pasportun işlənməsinin dayandırılması texniki nasazlıq ilə izah edilir və xidmətin bərpası üçün heç bir tarix açıqlanmayıb. Beləliklə, bu gündən ukraynalılar xaricdə pasport ala bilməyəcəklər.

Ukrayna Xarici İşlər Nazirliyi bir gün əvvəl ölkəyə qayıtmaq üçün sənədlərin hazırlanması istisna olmaqla, xaricdə olan hərbi yaşda olan ukraynalılara konsulluq xidmətlərinin göstərilməsinin dayandırılması barədə göstəriş verib.

Qeyd ededək ki, aprelin 11-də Ali Rada səfərbərlik qaydalarını sərtləşdirən qanun qəbul edib.

 

Gözəl Həşimova