İqtisadiyyat.az xəbər verir ki, yeni gömrük yığımları ilə bağlı qərar gələn ilin yanvarın 1-nə qədər qüvvədə olacaq.

Qərara əsasən, gömrük yığımlarına əlavə olaraq aşağıdakı malların sərbəst dövriyyəyə buraxılış gömrük proseduru altında yerləşdirilməsinə görə müvafiq məbləğlərdə idxal gömrük yığımları alınacaq:

- dəmirdən və ya aşqarlanmamış poladdan çubuqların 1 tonu üçün - 150 manat;

- şüşə məmulatlarının 1 tonu üçün - 100 manat;

- armaturlaşdırılmamış şüşələrin 1 tonu üçün - 100 manat. 

Qeyd edək ki, sözügedən qərar ötən ay Baş nazir Əli Əsədovun imzaladığı sənədlə dəyişiklik edilmiş “Gömrük yığımlarının məbləğləri”nə əsasən qüvvəyə minib.